Un espolio consentido

Publicado Persoal | 1

Empezo con este artigo unha colaboración co xornal dixital Galicia Confidencial, que espero que sexa longa e fructífera. Espero que vos guste o artigo de opinión:

José Luis Méndez, 16,5 millones de euros; José Luis Pego, 10,8 millóns; Óscar Rodríguez Estrada, 7 millóns; Gregorio Gorriarán, 7,5 millóns; Javier García Paredes, 10 millóns. Estas son algunhas das aldraxantes indemnizacións que cobraron os exdirectivos de CaixaGalicia e CaixaNova por … porque?

Pois basicamente por espoliar o patrimonio de Galicia e por aproveitarse do aforro de moitos anos dos galegos e das galegas, pero non pasa nada; aquí nunca pasa nada. Todos nos asustamos e nos alporizamos porque os “novos ladróns de guante branco” marchen para as súas casas cos petos cheos de cartos que pagamos entre todos, e mentras eles disfrutan de retiros dourados nós temos, pola súa culpa e pola súa nefasta xestión, que pagar máis polos medicamentos, polos estudos dos nosos fillos, por viaxar en coche, polo noso traballo, etc. E eu pregúntome, esta é a democracia que realmente queremos? O pobo merece despois de tantos anos de esforzo e traballo que nos espolien dese xeito?

Pero o peor é que aqueles que teñen o deber de defender os nosos intereses son cómplices, alomenos por omisión, destes ladróns aos que autorizaron a roubar. Galicia quedou sen as súas caixas porque a Xunta de Galicia mirou para outro lado mentras os codiciosos xestores de CaixaGalicia e de CaixaNova se afanaban en especular cos aforros do noso País; e, os políticos que formaban parte dos consellos de administración das caixas estaban preocupados en como gastar as dietas que cobraban por levantar a man e en conseguir algunha prebenda.

Pero desgraciadamente, esto non só pasou en Galicia senón que é unha fotocopia do que pasou ao longo de todo o estado. E as consecuencias as estamos pagando agora os que menos culpa temos da lamentable xestión e do roubo masivo cometido por uns individuos que gozan de toda impunidade xudicial.

E eu, xa para rematar, e vendo a actualidade sigo a facerme preguntas: Ata cando vamos a consentir todo esto? Cando van a empezar a ser xulgados os causantes de semellante estafa ao pobo? Espero que algún día fagamos o que temos que facer. Defender os nosos dereitos.

Artigo en Galicia Confidencial

One Response

  1. Freiman
    | Responder

    * Consentido polo Gobernador do BdE, consentido polo Parlamento Galego é a Xunta, tanto do Bipartito coma do PP e polos Concelleiros das Caixas que ou ben miraban pra outro lado ou fixeron que no se enteraban. O certo é que hai dou personaxes que siguen pola rúa: José Luis Méndez, Director Xeral de Caixa Galicia, e Julio Fernández Gayoso, Presidente de CaixaNova, que quere morrer cas botas postas pero cos bolsillos ben cheos a conta de todolos galegos. Debería estar xa, con outros, na cadea.

Deixar unha resposta