Fala con Blas#1

Sobre un cento de persoas participan na primeira emisión do #FalaConBlas

O 21 de decembro participei nunha iniciativa dun grupo de alumnos e alumnas da materia de Tecnopolítica e Redes Sociais do máster en Tecnoloxías de Marketing e Comunicación Política da Universidade de Santiago de Compostela. Esta iniciativa ten como obxectivo fomentar a interacción nas miñas redes coa cidadanía e que a veciñanza amesá poida coñecer máis a miña labor como alcalde e deputado provincial, e tamén a miña parte máis persoal.

Preto dun cento de persoas participaron no primeiro programa de FalaConBlas, un directo que se transmitiu de maneira simultánea nas plataformas Twitch e Facebook Live e no que respostei a diversas preguntas da cidadanía.

Quero agradecer ao grupo de traballo do máster, formado por Gabriel González, Paula Riveiro, Francisco Pais, Uxía Pérez e Paula García por esta iniciativa, e sobretodo por pensar en min para formar parte deste proxecto tan interesante

Ver vídeo

Deja un comentario

Este sitio usa Akismet para reducir el spam. Aprende cómo se procesan los datos de tus comentarios.